Verðlaunahafar á nýsveinahátíð IMFR 2016

Iðnaðarmannafélagið í Reykjavík stendur árlega fyrir nýsveinahátið í Ráðhúsi Reykjavíkur. Þar eru veitt verðlaun fyrir framúrskarandi árangur á sveinsprófi ásamt því að heiðursiðnaðarmaður ársins er valinn og honum veitt gullverðlaun. 24 nýsveinar fengu silfur- og bronsverðlaun á hátíðinni sem haldin var 6. febrúar s.l. Axel Fannar Friðriksson, grafísk miðlun/prentsmíð, hlaut silfurverðlaun og Margrét Lára Höskuldsdóttir,grafísk miðlun/prentsmíð, hlaut bronsverðlaun. GRAFÍA stéttarfélag óskar þeim innilega til hamingju með árangurinn. Hjalti Einarsson, vélvirkjameistari var valinn heiðursiðnaðarmaður ársins.

F.v. Hjörtur Guðnason, Elsa Haraldsdóttir, Axel Fannar Friðriksson, Ólafur Ragnar Grímsson forseti íslands, Auður Atladóttir og Guðmundur Ó. Eggertsson.

f.v. Hjörtur Guðnason, Elsa Haraldsdóttir, Margrét Lára Höskuldsdóttir, Stefanía Ósk Þórisdóttir, Ólafur Ragnar Grímsson forseti íslands og Guðmundur Ó. Eggertsson.