Hagnýtar upplýsingar fyrir atvinnuleitendur

Vinnumálastofnun sér um greiðslu félagsgjalda til GRAFÍU sé þess óskað á umsókn um atvinnuleysisbætur. Greiðsla félagsgjalds af atvinnuleysisbótum er hugsað fyrir þá sem hafa greitt síðustu 6 mánuði til félagsins áður en þeir verða atvinnulausir  og vilja viðhalda réttindum sínum.  Þeir sem hafa ekki greitt til félagsins  síðustu 6 mánuði fyrir atvinnuleysi geta ekki unnið sér inn réttindi  með því að greiða félagsgjald af atvinnuleysisbótunum.

Réttindi félaga í GRAFÍU sem eru í atvinnuleit:

  • Fræðslusjóður GRAFÍU veitir 80% styrki til náms
  • Námskeið hjá Prent og miðlunarsviði IÐUNNAR www.idan.is Aðilar eru hvattir til að hafa samband við ingirafn@idan.is og fá ráðgjöf
  • Prent- og miðlunarsvið IÐUNNAR veitir félögum starfs- og námsráðgjöf þeim að kostnaðarlausu www.idan.is

Réttindi félaga í GRAFÍU almennt:

  • GRAFÍA veitir félagsmönnum lögfræðiaðstoð
  • GRAFÍA veitir félagsmönnum styrk til líkamsræktar
  • GRAFÍA veitir félagsmönnum styrk til sjúkraþjálfunar og endurhæfingar
  • GRAFÍA veitir félagsmönnum styrk til sálfræðiþjónustu
  • GRAFÍA veitir félagsmönnum styrk til kaupa á gleraugum
  • GRAFÍA veitir félagsmönnum styrk til kembileitar hjá Krabbameinsfélagi Íslands
  • GRAFÍA veitir styrki vegna kostnaðarsamrar heilbrigðisþjónustu t.d. lasersjónaðgerðar, heyrnartæki, dvöl á NLFÍ í Hveragerði.

Vinnumálastofnun veitir ýmsa styrki í atvinnuleysi t.d. námsstyrki, sjá nánar á www.vmst.is.

Vinnumálastofnun sér um afgreiðslu atvinnuleysisbóta eða bætur vegna skerts starfshlutfalls – á höfuðborgarsvæðinu er skrifstofan að Kringlunni 1. Eftirfarandi fjárhæðir gilda frá 1. janúar 2018.

  • Grunnatvinnuleysisbætur eru greiddir (10.504 á dag) fyrir fyrstu 10 virku dagana og síðan eru atvinnuleysisbætur 70% af launum – þó aldrei hærri en 358.516 krónur á mánuði í 3 mánuði
  • Grunnatvinnuleysisbætur eru kr. 227.417 á mánuði miðað við 100% rétt.
  • Hlutabætur eru greiddar í samræmi við skert starfshlutfall
  • Bætur vegna barna undir 18 ára aldri eru kr. 9.096 á mánuði með hverju barni
  • Frítekjumark er 66.456 krónur á mánuði í 100% atvinnuleysi

Að öðru leyti vísast til upplýsingavefs Vinnumálastofnunar www.vmst.is

Til baka

Póstlisti

Viðburðir á næstunni

Engir viðburðir eru skráðir ennþá.