Tjaldsvæðið í Miðdal opnar 15. júní
15 jún. 2018
Tjaldsvæðið í Miðdal opnar föstudaginn 15. júní.
Verðskrá:
Félagsmenn greiða 1.400 kr. á tjald, pr. nótt gegn framvísun félagsskírteinis en gestir félagsmanna greiða kr. 2.300 á tjald pr. nótt. Félagsmenn geta keypt klippikort 10 nætur á 10.000 kr. Rafmagn kostar 600 kr. pr. nótt.
Félagsmönnum GRAFÍU er heimilt að taka með sér gesti á svæðið, ekki dugar að félagsmaður veiti utanaðkomandi leyfi til að tjalda ef að hann er ekki sjálfur á svæðinu.
Félagsmenn sem eiga tjaldvagn, felli- og hjólhýsi geta staðsett hýsið á sérstökum stað á tjaldsvæðinu, í samráði við umsjónarmann, í allt að 12 vikur yfir sumarið. Verð 17.500 kr.
GOLFKORT á völl Dalbúa í Miðdal eru leigð hjá umsjónarmanni á tjaldsvæðinu fyrir félagsmenn GRAFÍU. Verð kr. 1.000,- kortið gildir fyrir tvo.