Samtökum um kvennaathvarf veittur styrkur
30 des. 2011
Mánudaginn 19. desember veitti Fulltrúaráð verkalýðsfélaganna í Reykjavík Samtökum um kvennaathvarf styrk að upphæð kr. 500.000. Rekstrarstýra Kvennaathvarfsins veitti styrknum viðtöku og mun hann nýtast vel til frekari uppbyggingar barnastarfs í athvarfinu.
Kvennaathvarfið verður opið yfir hátíðirnar eins og aðra daga og veitir skjól konum og börnum þeirra sem ekki geta dvalið heima hjá sér vegna ofbeldis. Einnig er svarað er í neyðarsímann í síma 5611205 allan sólarhringinn.
Aðventan hefur verið ánægjuleg og viðburðarrík í Kvennaathvarfinu og hefur hlýhugur í garð athvarfsins og íbúa þess verið áberandi sem aldrei fyrr. Góðvinir athvarfsins hafa bankað upp á með ýmsar gjafir og sjálfboðna þjónustu og góðar gjafir hafa borist frá einstaklingum, fyrirtækjum og stofnunum.