Atvinnustaða félagsmanna FBM
26 sep. 2011
Atvinnustaða félagsmanna
í september 2011
Samkvæmt skilagrein frá Vinnumálastofnun í september 2011 voru 6,9% virkra félagsmanna 100% atvinnulausir í ágúst og fá greitt úr Atvinnuleysistryggingasjóði.
Atvinnuleysi félaga í Félagi bókagerðarmanna hefur minnkað jafnt og þétt. Í ágúst 2009 var atvinnuleysið 9,2% og sama tíma í fyrra mældist það 7,3% og hefur því lækkað um 0,4 prósentustig á liðnu ári.
Nú eru mun færri í skertu starfshlutfalli en hafa verið á undangengnum árum. Ekki liggur ljóst fyrir hversu margir félagsmenn eru í skertu starfshlutfalli í dag.
Atvinnuleysi hér á landi núna í ágúst var 6,7% og hefur atvinnuleysi félaga í FBM iðulega verið svipað og atvinnuleysi á landsvísu.
Reykjavík, 26. september 2011.
Fh. Félags bókagerðarmanna
Georg Páll Skúlason, formaður